قازاقستان رەسپۋبليكاسى وڭىرلىك دامۋ مينيسترلىگىنىڭ بۇيرىعى  №181/نق

2014 جىلعى 24 ماۋسىم, استانا قالاسى «قازاقستان رەسپۋبليكاسى وڭىرلىك دامۋ مينيسترلىگى كاسىپكەرلىكتى دامىتۋ كوميتەتى» مەملەكەتتىك مەكەمەسىنىڭ ەرەجەسىن بەكىتۋ تۋرالى «نورماتيۆتىك قۇقىقتىق اكتىلەر تۋرالى» 1998 جىلعى 24 ناۋرىزداعى قازاقستان رەسپۋبليكاسى زاڭىنىڭ 3-بابى 3-تارماعىنىڭ 2) تارماقشاسى مەن 29-بابى 1-تارماعىنىڭ 6) تارماقشاسىنا سايكەس بۇيىرامىن: 1. «قازاقستان رەسپۋبليكاسى وڭىرلىك دامۋ مينيسترلىگىنىڭ كاسىپكەرلىكتى دامىتۋ كوميتەتى» مەملەكەتتىك مەكەمەسىنىڭ قوسا بەرىلىپ وتىرعان ەرەجەسى بەكىتىلسىن. 2. قازاقستان رەسپۋبليكاسى وڭىرلىك دامۋ مينيسترلىگىنىڭ كاسىپكەرلىكتى دامىتۋ كوميتەتى زاڭمەن بەلگىلەنگەن تارتىپتە: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىقتى مەملەكەتتىك تىركەۋدەن وتكەننەن كەيىن ون كۇنتىزبەلىك كۇن ىشىندە مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇكىقتىق جۇيەسىندە رەسمي جاريالاۋ ءۇشىن جولداۋدى; 3) وسى بۇيرىقتىڭ قازاقستان رەسپۋبليكاسى وڭىرلىك دامۋ مينيسترلىگىنىڭ ينتەرنەت-رەسۋرسىندا ورنالاسۋىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى وڭىرلىك دامۋ مينيسترلىگىنىڭ جاۋاپتى حاتشىسى ا.ك. قابىكەنوۆكە جۇكتەلسىن. 4. وسى بۇيرىق ونىڭ العاش رەت رەسمي جاريالانعاننان كۇننەن باستاپ قولدانىسقا ەنگىزىلەدى. مينيستر ب.جامىشەۆ. قازاقستان رەسپۋبليكاسى وڭىرلىك دامۋ ءمينيسترىنىڭ 2014 جىلعى 24 ماۋسىمداعى № 181/نق بۇيرىعىمەن بەكىتىلگەن «قازاقستان رەسپۋبليكاسى وڭىرلىك دامۋ مينيسترلىگىنىڭ كاسىپكەرلىكتى دامىتۋ كوميتەتى» مەملەكەتتىك مەكەمەسى تۋرالى ەرەجە 1. جالپى ەرەجەلەر 1. قازاقستان رەسپۋبليكاسى وڭىرلىك دامۋ مينيسترلىگىنىڭ كاسىپكەرلىكتى دامىتۋ كوميتەتى ء(ارى قاراي – كوميتەت) قازاقستان رەسپۋبليكاسى وڭىرلىك دامۋ مينيسترلىگى ء(ارى قاراي – مينيسترلىك) شەگىندە جانە قازاقستان رەسپۋبليكاسىنىڭ زاڭناماسىنا سايكەس كاسىپكەرلىك قىزمەتتى دامىتۋ سالاسىندا باقىلاۋ جانە ىسكە اسىرۋ فۋنكتسيالارىن جۇزەگە اسىراتىن ۆەدومستۆوسى بولىپ تابىلادى. 2. كوميتەت ءوز قىزمەتىن قازاقستان رەسپۋبليكاسىنىڭ كونستيتۋتسياسى مەن زاڭدارىنا, قازاقستان رەسپۋبليكاسىنىڭ پرەزيدەنتى مەن ۇكىمەتىنىڭ اكتىلەرىنە, وزگە دە نورماتيۆتىك قۇقىقتىق اكتىلەرگە, سونداي-اق وسى ەرەجەگە سايكەس جۇزەگە اسىرادى. 3. كوميتەت مەملەكەتتىك مەكەمەنىڭ ۇيىمداستىرۋشىلىق-قۇقىقتىق نىسانىنداعى زاڭدى تۇلعا بولىپ تابىلادى, مەملەكەتتىك تىلدە ءوز اتاۋى جازىلعان ءمورى مەن ءمورتاڭبالارى, بەلگىلەنگەن ۇلگىدەگى بلانكىلەرى, سونداي-اق زاڭناماعا سايكەس قازاقستان رەسپۋبليكاسى قارجى مينيسترلىگىنىڭ قازىناشىلىق ورگاندارىندا شوتتارى بولادى. 4. كوميتەت ازاماتتىق-قۇقىقتىق قاتىناستارعا ءوز اتىنان تۇسەدى. 5. ەگەر كوميتەت قازاقستان رەسپۋبليكاسىنىڭ زاڭناماسىنا سايكەس ۋاكىلەتتى بولسا, ول مەملەكەتتىڭ اتىنان ازاماتتىق-قۇقىقتىق قاتىناستاردىڭ تارابى بولا الادى. 6. كوميتەتتىڭ قۇرىلىمى جانە شتات سانىنىڭ ءليميتى قولدانىستاعى زاڭناماعا سايكەس بەكىتىلەدى. 7. كوميتەتتىڭ تۇرعان جەرى: 010000, استانا قالاسى, «ەسىل» اۋدانى, ورىنبور كوشەسى, № 8 ءۇي, 10 كىرەبەرىس, «مينيسترلىكتەر ءۇيى» اكىمشىلىك عيماراتى. 8. كوميتەتتىڭ تولىق اتاۋى - «قازاقستان رەسپۋبليكاسى وڭىرلىك دامۋ مينيسترلىگىنىڭ كاسىپكەرلىكتى دامىتۋ كوميتەتى» مەملەكەتتىك مەكەمەسى, ىقشامدالعان اتاۋى: قر ءودم كدك. 9. وسى ەرەجە كوميتەتتىڭ قۇرىلتاي قۇجاتى بولىپ تابىلادى. 10. كوميتەتتىڭ قىزمەتىن قارجىلاندىرۋى رەسپۋبليكالىق بيۋدجەت قاراجاتىنىڭ ەسەبىنەن جۇزەگە اسىرىلادى. 11. كوميتەتكە ءوزىنىڭ فۋنكتسياسى بولىپ تابىلاتىن مىندەتتەردى ورىنداۋ تۇرعىسىندا كاسىپكەرلىك سۋبەكتىلەرىمەن شارتتىق قاتىناستارعا تۇسپەيدى. ەگەر كوميتەتكە قازاقستان رەسپۋبليكاسىنىڭ زاڭنامالىق اكتىلەرىمەن كىرىستەر اكەلەتىن قىزمەتتى جۇزەگە اسىرۋ قۇقى بەرىلسە, وندا مۇنداي قىزمەتتەن تۇسكەن كىرىستەر بيۋدجەتتىڭ كىرىسىنە جولدانادى. 12. كوميتەت: 1) اقپاراتتىق-تالداۋ باسقارماسىنان; 2) كاسىپكەرلىكتى قارجىلىق قولداۋ باسقارماسىنان; 3) كاسىپكەرلىكتى قارجىلىق ەمەس قولداۋ باسقارماسىنان; 4) مەملەكەتتىك ورگانداردىڭ باقىلاۋ, قاداعالاۋ جانە رۇقسات ەتۋ جۇيەسى ماسەلەلەرى جونىندەگى قىزمەتىنىڭ مونيتورينگ! باسقارماسىنان; 5) ىشكى اكىمشىلەندىرۋ باسقارماسىنان تۇرادى. 2. كوميتەتتىڭ نەگىزگى مىندەتتەرى, فۋنكتسيالارى مەن قۇقىقتارى 13. مىندەتى: كاسىپكەرلىكتىڭ دامىتۋ جاعدايىن جالپى جانە وڭىرلەر بويىنشا تالداۋ. فۋنكتسيالارى: 1) كاسىپكەرلىك ورتاعا, ينۆەستيتسيالىك احۋالعا جانە جەكە كاسىپكەرلىكتى دامىتۋدىڭ ينفراقۇرىلىمىنا تالداۋ جۇرگىزۋ; 2) جەكە كاسىپكەرلىكتى دامىتۋ مەن قولداۋ جونىندەگى مەملەكەتتىك ساياساتتى ناسيحاتتاۋ; 3) شاعىن كاسىپكەرلىكتى قولداۋ مەن دامىتۋدىڭ مەملەكەتتىك شارالارىنىڭ ورىندالۋىن ۇيلەستىرۋ. 14. مىندەتى: جەكە كاسىپكەرلىكتىڭ سۋبەكتىلەرىنە قارجىلىق قۇرالداردىڭ قول جەتىمدىلىگىن قامتاماسىز ەتۋ جانە وڭىرلىك كاسىپكەرلىكتى جانداندىرۋ. فۋنكتسيالارى: 1) شاعىن كاسىپكەرلىكتى قولداۋ مەن دامىتۋدىڭ مەملەكەتتىك شارالارىنىڭ ورىندالۋىن ۇيىمداستىرۋ; 2) شاعىن كاسىپكەرلىكتىڭ يننوۆاتسيالىق, ينۆەستيتسيالىق جانە يندۋستريالىق دامۋدىڭ مەملەكەتتىك باعدارلامالارىن ىسكە اسىرۋعا قاتىسۋى ءۇشىن جاعدايلار جاساۋ; 3) جەكە كاسىپكەرلىك سۋبەكتىلەرىنىڭ تاۋارلاردىڭ (جۇمىستاردىڭ, كورسەتىلەتىن قىزمەتتەردىڭ) حالىقارالىق نارىقتارىنا شىعۋى ءۇشىن جاعدايلار جاساۋ; 4) جەكە كاسىپكەرلىك سۋبەكتىلەرىن قارجىلاندىرۋ جانە ولارعا كرەديت بەرۋ جونىندەگى شارالاردى جەتىلدىرۋ تۋرالى ۇسىنىستار ازىرلەۋ. 15. مىندەتى. كاسىپكەرلىكتى قولداۋ ينفراقۇرىلىمدى جانە وقىتۋ جۇيەلەرىن قالىپتاستىرۋ جانە وڭىرلىك كاسىپكەرلىكتى جانداندىرۋ. فۋنكتسيالارى: 1) جەكە كاسىپكەرلىكتى دامىتۋ سالاسىندا حالىقارالىق ىنتىماقتاستىقتى جۇزەگە اسىرۋ; 2) قازاقستان رەسپۋبليكا وڭىرلەرىندە شاعىن كاسىپكەرلىك ينفراقۇرىلىمىن قالىپتاستىرۋ مەن دامىتۋعا سەپتىگىن تيگىزۋ; 3) ينۆەستورلار, گرانت بەرۋشى حالىقارالىق ۇيىمدار ءۇشىن جەكە كاسىپكەرلىكتى قولداۋ جانە دامىتۋ ماسەلەلەرىندە جاعدايلار جاساۋ; 4) جەكە كاسىپكەرلىك سالاسىندا كادرلار دايارلاۋ, قايتا دايارلاۋ جانە ولاردىڭ بىلىكتىلىگىن ارتتىرۋ جۇيەسىن قالىپتاستىرۋ جونىندەگى شارالاردى ىسكە اسىرۋ. 16. مىندەتى: كاسىپكەرلىك احۋالىن جاقسارتۋ جانە كاسىپكەرلىكتىڭ دامۋىنا جاعدايلاردىڭ قولايلىعىن قامتاماسىز ەتۋ. فۋنكتسيالارى: 1) جەكە كاسىپكەرلىك سۋبەكتىلەرىن قولداۋ مەن قورعاۋ سالاسىنداعى باقىلاۋدى جۇزەگە اسىرۋ; 2) «اكىمشىلىك قۇقىق بۇزۋشىلىق تۋرالى» قازاقستان رەسپۋبليكاسى كودەكسىنە سايكەس اكىمشىلىك قۇقىق بۇزۋشىلىق تۋرالى حاتتامالاردى جاساۋ; 3) مەملەكەتتىك ورگاندار مەن لاۋازىمدى تۇلعالار جول بەرگەن جەكە كاسىپكەرلىك سۋبەكتىلەرىنىڭ قىزمەتىن رەتتەيتىن قازاقستان رەسپۋبليكاسىنىڭ زاڭناماسىن بۇزۋشىلىقتار تۋرالى قازاقستان رەسپۋبليكاسىنىڭ پرەزيدەنتى مەن ۇكىمەتىن اقپاراتتاندىرۋ; 4) مەملەكەتتىك رۇقسات بەرۋ جانە جەكە كاسىپكەرلىك سۋبەكتىلەرىنىڭ قىزمەتىن مەملەكەتتىك باقىلاۋ مەن قاداعالاۋ جۇيەسىن, سونداي-اق جەكە كاسىپكەرلىكتى قولداۋ جانە دامىتۋ شارالارىن جەتىلدىرۋ جانە وڭتايلاندىرۋ سالاسىندا ۆەدومستۆوارالىق ۇيلەستىرۋ. 17. كوميتەت جەكە كاسىپكەرلىكتى قولداۋ مەن دامىتۋدىڭ مەملەكەتتىك ساياساتىن جۇرگىزۋدى, جەكە كاسىپكەرلىك سۋبەكتىلەرىنە ادىسنامالىق كومەك ۇيىمداستىرادى جانە قازاقستان رەسپۋبليكاسىنىڭ زاڭدارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە فۋنكتسيالاردى جۇزەگە اسىرادى. 18. كوميتەتتىڭ وزىنە جۇكتەلگەن مىندەتتەردى ىسكە اسىرۋ جانە ءوز فۋنكتسيالارىن جۇزەگە اسىرۋ ءۇشىن زاڭنامادا بەلگىلەنگەن تارتىپپەن: 1) قۇزىرەتىنە كىرەتىن وندىرىستىك قىزمەت ماسەلەلەرىن جەدەل شەشۋدى قامتاماسىز ەتۋ ءۇشىن مينيسترلىكتىڭ قۇرىلىمدىق بولىمشەلەرىمەن ءوزارا قارىم-قاتىناسقا تۇسەدى; 2) وزگە دە مەملەكەتتىك ورگاندار مەن لاۋازىمدى تۇلعالاردان كوميتەت قۇزىرەتىنە جاتقىزىلعان ماسەلەلەردىڭ شەشۋ ءۇشىن قاجەتتى اقپاراتتى, قۇجاتتار مەن ماتەريالداردى سۇراتادى جانە الادى; 3) ءوز قىزمەتىنىڭ بارلىق ماسەلەلەرى بويىنشا ۇسىنىستار ەنگىزەدى; 4) قازاقستان رەسپۋبليكاسى ۇكىمەتىنىڭ 2010 جىلعى 13 ساۋىردەگى №301 قاۋلىسىمەن بەكىتىلگەن «بيزنەستىڭ جول كارتاسى 2020» باعدارلاماسىنىڭ (بۇدان ءارى - باعدارلاما) شەڭبەرىندە جەكە كاسىپكەرلىكتى دامىتۋ بويىنشا قارجىلىق, ەكونوميكالىق جانە باسقا كورسەتكىشتەردى جيناقتايدى جانە تالدايدى; 5) كوميتەتتىڭ قۇزىرەتىنە كىرەتىن سۇراقتارى بويىنشا كونفەرەنتسيالاردى, سەمينارلاردى, ماجىلىستەردى, جۇمىس توپتارىنىڭ, ۆەدومستۆوارالىق كوميسسيالاردىڭ وتىرىستارىن وتكىزەدى; 6) قولداۋدى كورسەتۋ سۇراقتارى بويىنشا «دامۋ» كاسىپكەرلىكتى دامىتۋ قورى» اكتسيونەرلىك قوعامىمەن باعدارلامانىڭ شەڭبەرىندە قارجىلىق ءوزارا ارەكەتتى جۇزەگە اسىرادى; 7) جەكە كاسىپكەرلىكتى قولداۋ جانە دامىتۋ بويىنشا بيۋدجەتتىك باعدارلامالاردى اكىمشىلىك ەتەدى; 8) مەملەكەتتىك باقىلاۋ, قاداعالاۋ جانە رۇقسات بەرۋ قۇجاتتارىن جۇزەگە اسىراتىن مەملەكەتتىك ورگانداردىڭ قىزمەتىنە مونيتورينگ ەتەدى; 9) جەكە كاسىپكەرلىك تۋرالى زاڭنامانىڭ تالاپتارىن ورىنداۋ بويىنشا اقپاراتتى جيناقتايدى جانە تالدايدى; 10) كاسىپكەرلىكتى قورعاۋ شارالارىن جەتىلدىرۋ بويىنشا ۇسىنىستاردى جولدايدى; 11) ءوز قۇزىرەتىندەگى ماسەلەلەر بويىنشا زاڭنامادا بەلگىلەنگەن تارتىپتە بۇيرىقتاردى شىعارادى; 12) قازاقستان رەسپۋبليكاسىنىڭ زاڭنامالىق اكتىلەرىندە كوزدەلگەن باسقا دا قۇقىقتاردى جۇزەگە اسىرۋعا قۇقىعى بار. 3. كوميتەتتىڭ قىزمەتىن ۇيىمداستىرۋ 19. كوميتەت قازاقستان رەسپۋبليكاسىنىڭ زاڭنامالىق اكتىلەرىنە, پرەزيدەنتىنىڭ اكتىلەرىنە, قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىنە سايكەس ءوزىنىڭ نەگىزگى مىندەتتەرى مەن فۋنكتسيالارىن ىسكە اسىرۋ ءۇشىن قاجەتتى وكىلەتتىكتەردى يەلەنەدى. 20. كوميتەتتى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن قىزمەتكە تاعايىندالاتىن جانە قىزمەتتەن بوساتىلاتىن توراعا باسقارادى. 21. كوميتەت توراعاسىنىڭ قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن قىزمەتكە تاعايىندالاتىن جانە قىزمەتتەن بوساتىلاتىن ورىنباسارلارى بولادى. 22. كوميتەتتىڭ توراعاسى كوميتەتتىڭ قىزمەتىنە جالپى باسشىلىقتى جۇزەگە اسىرادى جانە كوميتەتكە جۇكتەلگەن مىندەتتەردىڭ ورىندالۋى مەن ونىڭ ءوز فۋنكتسيالارىن جۇزەگە اسىرۋى ءۇشىن دەربەس جاۋاپتى بولادى. 23. كوميتەتتىڭ توراعاسى مينيسترلىكتىڭ باسشىسىنا كوميتەتتىڭ قۇرىلىمى مەن شتاتتىق كەستەسى بويىنشا ۇسىنىستار بەرەدى. 24. كوميتەت توراعاسى: 1) كوميتەت توراعاسىنىڭ ورىنباسارلارىنان باسقا, كوميتەت قىزمەتكەرلەرىن لاۋازىمعا تاعايىندايدى جانە لاۋازىمىنان بوساتادى; 2) ءوز ورىنباسارلارىنىڭ جانە كوميتەتتىڭ قىزمەتكەرلەرىن مىندەتتەرى مەن وكىلەتتىكتەرىن بەلگىلەيدى جانە بەكىتەدى; 3) ءوزىنىڭ قۇزىرەتى شەگىندە كوميتەتكە سىبايلاس جەمقورلىققا قارسى ارەكەت جاساۋعا باعىتتالعان شارا­­لار قابىلدايدى جانە سىبايلاس جەمقورلىققا قارسى شارالار كابىلداۋ ءۇشىن جەكە جاۋاپتىلىقتا بولادى; 4) كوميتەت توراعاسىنىڭ ورىنباسارلارىنان باسقا, كوميتەت قىزمەتكەرلەرىن ىنتالاندىرادى جانە ولارعا تارتىپتىك جازا قولدانادى; 5) ىسساپارعا جىبەرۋ, ەڭبەك دەمالىسىن بەرۋ, ماتەريالدىق كومەك كورسەتۋ, دايارلاۋ (قايتا دايارلاۋ), بىلىكتىلىگىن ارتتىرۋ, ىنتالاندىرۋ, ۇستەماقى مەن سىياقى تولەۋ ماسەلەلەرىن شەشەدى; 6) كوميتەتتىڭ قۇرىلىمدىق بولىمشەلەرىنىڭ ەرەجەلەرىن بەكىتەدى; 7) مەملەكەتتىك ورگانداردا, وزگە ۇيىمداردا سەنىمحاتسىز كوميتەتتىڭ وكىلى بولادى; 8) رەتتەلەتىن سالادا مەملەكەتتىك ساياساتتى قالىپتاستىرۋ جونىندە ۇسىنىستار تۇجىرىمدايدى; 9) بۇيرىقتارعا قول قويادى; 10) قازاقستان رەسپۋبليكاسىنىڭ پارلامەنتىندە, مەملەكەتتىك ورگانداردا جانە وزگە ۇيىمداردا كوميتەتتىڭ وكىلى بولادى; 11) قازاقستان رەسپۋبليكاسىنىڭ زاڭناماسىنا سايكەس وزگە دە وكىلەتتىكتەردى جۇزەگە اسىرادى. 25. كوميتەتتىڭ قۇزىرەتىنە كىرەتىن ماسەلەلەر بويىنشا كوميتەت اتىنان باسقا قۇرىلىمدىق بولىمشەلەرگە جىبەرىلەتىن قۇجاتتارعا توراعاسى, ال ول بولماعان جاعدايدا ونى الماستىراتىن ادام قول قويادى. 26. توراعا, ونىڭ ورىنباسارلارى مەن قۇرىلىمدىق بولىمشەلەردىڭ باسشىلارى سىبايلاس جەمقورلىققا قارسى ءىس-قيمىل جاساۋى ءتيىس جانە سىبايلاس جەمقورلىققا قارسى قازاقستان رەسپۋبليكاسى زاڭناماسىنىڭ ساقتالۋىنا دەربەس جاۋاپ بەرەدى; 27. كوميتەت قابىلدايتىن شەشىمدەر كوميتەت توراعاسىنىڭ بۇيرىعىمەن راسىمدەلىنەدى. 4. كوميتەتتىڭ مۇلكى 28. قازاقستان رەسپۋبليكاسى زاڭناماسىمەن كوزدەلگەن جاعدايلاردا, كوميتەت جەدەل باسقارۋ قۇقىعىنداعى وقشاۋلانعان مۇلكى بولادى. كوميتەتتىڭ مۇلكى وعان مەملەكەت بەرگەن م ۇلىكتىڭ جانە اينالىم قاراجاتتارىنىڭ نەگىزگى قورىنان, سونداي-اق قۇنى كوميتەتتىڭ تەڭگەرىمىندە كورسەتىلەتىن وزگە دە م ۇلىكتىڭ ەسەبىنەن قالىپتاسادى. 29. كوميتەتكە بەكىتىپ بەرىلگەن م ۇلىك رەسپۋبليكالىق مەنشىككە جاتادى. 30. كوميتەتتىڭ وزىنە بەكىتىپ بەرىلگەن م ۇلىكتى, ەگەر زاڭنامالىق اكتىدە وزگەشە بەلگىلەنبەسە, وعان قارجىلاندىرۋ جوسپارى بويىنشا بولىنگەن قاراجات ەسەبىنەن ساتىپ الىنعان م ۇلىكتى وزدىگىنەن يەلىكتەن ايىرۋعا نەمەسە وعان وزگە دە تاسىلمەن بيلىك ەتۋگە قۇقىعى جوق. 5. كوميتەتتى قايتا ۇيىمداستىرۋ جانە تاراتۋ 31. كوميتەتتى قايتا ۇيىمداستىرۋ جانە تاراتۋ قازاقستان رەسپۋبليكاسىنىڭ زاڭناماسىنا سايكەس جۇرگىزىلەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 22 شىلدەدەگى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 9605 بولىپ ەنگىزىلدى.